Page 42 - AHATA

Durante fin di siman e situacion a bira mas grave. Aruba, cu un economia cu ta
depende di desaroyonan mundial, a resulta en berdad na porta di conflicto mundial cu a
drenta un dimension serio na momento cu mundo a dicidi cu e ta sostene Presidente di
e Asamblea General di e pais cu abiertamente a declara di ta prepara pa tuma poder na

e pais dia 23 di januari ora Venezuela ta recorda final di dictadura di Perez Jimenez.

E incertidumbre cu a cuminsa reina den region ta grandi debi na pregunta si lo alcansa
dia 23 di januari 2019 sin un explosion politico na e pais.

Aruba cu a enfrenta un crisis severo na 2018, lo mester a haya oportunidad pa dedica
tur su atencion na expansion di su economia, cu na e momentonan aki ta depende di
turismo.

Trankilidad y siguridad ta dos di e exigencianan mas grandi di turismo. Ta hustamente
e dos factornan aki no ta presente den e panorama mundial y e centro di confrontacion
cu Venezuela a bira.

E momento cu Aruba mester a uza pa fortifica su economia cu atraccion di industrianan
nobo, a bira momento di conflicto cu paisnan cu Aruba mester pa su recuperacion
economico y fortificacion di su turismo.

Canada, Merca, Argentina y &Union Europeo ta entre e paisnan cu Aruba a duna
atencion y a inverti aden pa atrae turista pero tambe pa haya inversionnan nobo.

Na e momentonan aki pueblo di e paisnan, turistanan, ta sigui informacion directo di
insiguridad den e region di Aruba. Situacionnan di conflicto den cual nan pais ta
directamente envolvi.

Informacionnan cu DIARIO a ricibi di informantenan internacional y experto riba nan
tereno ta indica, cu Aruba ta den e region di e noticianan mas importante pa e paisnan
cu mester sostene economia di Aruba.

Dia 23 di Januari lo mester bira e dia cu lo baha Maduro pa pone un gobierno nobo
sinta na Venezuela. No ta papia di invasion pero di un desaroyo na e pais mes pa
cambia gobierno, den cual forsa mundial lo confronta otro pa sostene Maduro of e
Asamblea Nacional di e pais.