Page 13 - AHATA 20 MAY 2017

a23
bista politico Diasabra 20 Mei 2017
Leonardo Maduro MAS

Partido MAS kier diversifica

comercio pa nos hobennan

profesional

ORANJESTAD – Durante rueda di prensa di partido
MAS, candidato Leonardo Maduro a trece dilanti su
pensamento y punto di bista referente nos hobennan
profesional. Banda di esaki sr. Maduro cu tambe ta un
hoben profesional a haci e pregunta na pueblo di Aru-
ba; kico Gobierno a logra pa hobennan profesional den
e ultimo añanan.

Segun sr. Leonardo, Gobierno no a haci mucho y al contrario
nos tin un economia cu cada dia ta empeora cual ta pone cu
oportunidadnan di nos hobennan profesional pa progresa
tambe ta wordo afecta y limita.

Sr. Leonardo a pone enfasis riba diferente obstaculo cu e ho-
bennan ta keda confronta cu ne riba un base diario, e.o. falta
di empleo, economia malo, no tin oportunidadnan igual pa
hobennan profesional y tur hoben en general cual cu den su
opinion ta e causa primordial cu ta hopi di nos hobennan cu
ta bay studia den exterior no ta bolbe.

Segun Sr. Maduro tin alrededor di 300 studiante cu ta bay
studia afo tur aña di cual un minoria ta bolbe bek nos isla pa
sirbi nos pais.

E preocupacion di tanto partido MAS como sr. Maduro ta cu
cada 4 aña politiconan ta haci politikeria cu e mesun tema aki.
Sr. Maduro ta menciona encuanto e 30 % di descuento cu
Gobierno ta papia di dje, y ta trece dilanti cu pa hopi aña caba
tin e porcentahe aki na vigor y ta cuestiona cuanto studiante
por a paga esey di un solo pago?

Sr. Leonardo ta considera esaki simplemente ridiculo y ta
clarifica cu den su pensamento e problema no ta Arubalening
, e problema real ta e studielening di Hulanda cu ta hopi mas
halto y cu no ta hacie atractivo pa bin Aruba gana florin y page
den euro.

Banda di esaki na Aruba profesionalnan no ta wordo paga un
suma suficiente pa nan por paga bek nan dos studieleningnan
aki y pa finalisa.

Sr. Maduro ta considera e rason mas grandi cu profesionalnan
no ta bolbe bek nos pais ta cu simplemente no tin trabou pa
nos hobennan profesional. Partido MAS ta kere firmemente
cu mester diversifica nos comercio y incentiva desaroyo eco-
nomico prome pa asina por atrae nos hobennan den futuro.
Esaki ta parti di e vision di Partido MAS pa cual sr, Maduro ta
haci un invitacion na tur hoben pa dia 22 di september dem-
ostra Aruba cu bo tambe kier wordo scucha!