Page 25 - AHATA 20 MAY 2017

editor
POSTED ON MAY 19, 2017, 4:33 PM

3 MINS

POST VIEWS: 36

ORANJESTAD, Aruba

Recien a tuma luga e Hackaton Oranjestad organisa conhuntamente door di Bureau Innovatie, VNO
y KvK. KvK tambe a participa cu un KvK Team pa asina duna contribucion na yega na un idea pa

Caya Grandi. E team “Monumnt” a sali ganador absoluto di e evento aki. Pa 2 dia largo 5 team a
sinta hunto na The Vault pa kibra cabes y asina formula un idea cu lo yuda trece bida bek den Caya
Grandi y asina stimula benta

E idea di Monumnt ta pa duna bida na estatua, monumento of edificio, lagando esaki papia di su mes,
conta storia y tambe tin e capacidad di comparti ofertanan y descuento na e comerciantenan
participante por medio di un app. Monumnt a ricibi como premio registracion na oficina di Propiedad

Intelectual, participacion na e conferencia eMERGE America na Miami, 6 luna di espacio di oficina
na The Vault na Oranjestad, regalo di Setar y tambe acceso na e socionan intelectual y tecnologico
ofreci door Gobierno di Aruba. KvK kier a felicita e ganadornan y lo sigui contribui na e

formalisacion di e idea di Monumnt y na futuro eventonan di Hackaton.

Debate Dia 8 di juni lo tuma luga e prome tanda di e 2 debatenan electoral den e Grand Ballroom di
Marriott cuminsando for di 7:00 P.M. Tin 2 seccion, esta VIP @ Awg. 200,00 y General @ Awg.

100,00. Si cumpra carchi pa tur dos debate lo ricibi 10% di descuento. Pa cumpra carchi por tuma
contacto cu Oruba Visions cu ta encarga cu e benta. Oruba Visions ta situa na Stadionweg 11 na
Dakota y nan oficina ta habri di dialuna pa diabierna di 10:00 AM pa 5:00 PM. Por tuma contacto via

585-0054, 564-5685 of 746-1084 y por bishita nan pagina riba Facebook.E debate lo ta na
papiamento. Lo no permiti bin cu bandera o cualkier otro forma di propaganda politico den e sala di
debate. Lo tin personal di seguridad cu lo percura pa tur esnan presente mantene na e reglanan pa bon

conducta tanto den publico como participantenan politico. KvK tin como meta pa organisa un debate
di nivel brindando oportunidad pa debati diferente topico importante pa Aruba. Dresscode pa e
anochi ta business suit.