Page 49 - KPA
P. 49
Ladron ta kibra Joyeria na smaak den Havenstraat hortando
holoshi y cadena
Wednesday, 22 February 2017 20:59
Comparti
Na Aruba den cierto orario parce tin hende na Aruba cu ta bira sordo y ciego. Un joyeria den Havenstraat
den oranan di marduga a wordo destrui cu pata di cabra.
Un trabou cu no ta dura un minuut pero un bon rato prome cu e ladron aki por a logra su meta. A destrui
e entrada principal di e negoshi. A ranca e rolluik y asina kibra e porta di glas. E ladron parce no a logra
drenta full den e joyeria pero si a logra rek man di tal forma cu a yega na varios holoshi y tambe
armband. Despues di logra coy su cosnan, a baha na awa lagando e pata di cabra benta abou. Ora cu mas
den mainta a mira e situacion a bati alarma. Polis a yega y cuminsa investigacion. Cuerpo Tecnico a
wordo avisa tambe. Aparentemente e alarma di e negoshi no a activa. Esey tambe ta algo cu mester bay
atende cu esnan responsabel.
