Page 26 - AAA 10 APRIL 2017
P. 26
Mortonan civil door di bombaredo na Siria, entre otro mucha
Saturday, 08 April 2017 14:06
Comparti
Sigur 15 civil a fayece awe na Siria door di un atake aereo. E Observatori Sirio pa Derechonan Humano a meldt cu un
pueblo a wordo bombardea mas of menos 30 kilometer west di Raqqa.
Door di e atake aki, segun e observatorio, por lo menos 4 mucha a fayece. Un testigo a bisa e agencia di noticia
Aleman, DPA, cu un internetcafe a wordo alcansa. E atake aki ta posiblemente efectua pa coalicion internacional
contra Estado Islamico.
Un vocero di e coalicion no tabata disponibel pa comentario.
Ningun operacion voorlopig
Media Belga a meld awe cu e coalicion internacional contra Isis, voorlopig no lo bay efectua ningun operacion.
“Tur actividad aereo den e lucha contra e grupo terorista, Estado Islamico ta te cu proximo aviso suspendi,” un
vocero di e Ministerio di Defensa a bisa e agencia di noticia di Belgica Belgia. E Belganan ta keda segun Belgia, ta
bula riba Irak. Akinan tambe tin avionnan di combati Hualndes activo.
