Page 35 - KPA

Edificio di impuesto a lanta cu rijnan

largo di hende atrobe

Posted on 02/13/2017 9:34 am AST | Updated on 02/13/2017 9:40 am AST

ORANJESTAD - Dialuna un biaha mas oficina di impuesto a lanta cu rijnan largo
di hende pa e.o. paga number di auto. Falta dos dia cu por paga ainda pa e prome
cuartal pa number di auto. Problema ta cu hopi hende awe mainta tabata keha cu
nan no mester paga number y toch nan tambe mester para de rij. A sugeri pa habri
e posibilidad pa esnan cu no tin cu paga number, para den un otro rij, pero tin
informacion cu esey no tabata posibel. Esey a pone cu tur hende, irrespecto nan
intencion, mester a para den e mesun rij cu hendenan ta para aden pa paga number
di auto.

FECHA ALARGA

Manera ta conoci, recientemente rijnan largo caba a pone cu gobierno a alarga e fecha di
paga number pa duna mas hende chens pa paga number y evita rijnan largo 'inhumano'
dilanti oficina di impuesto. Pero manera por a spera, esey aparentemente no a yuda, y
atrobe dos dia prome cu e fecha vence pa prome cuartal, e rijnan a lanta largo atrobe. No
ta conoci cuanto hende a paga den e ultimo dianan, despues cu a alarga e fecha.

http://noticiacla.com/news/8710