Page 50 - KPA
P. 50
Accidente basta pisa na crusada cerca di Win Lee
Supermarket Weststraat
Sunday, 12 February 2017 11:28
Comparti
Den careda di 2:25 AM a sosode un accidente basta grave na e crusada di Win Lee Supermarket. Varios patruya di
Playa a ser dirigi na e sitio menciona. Na yegada di patruya a bin topa cu un accidente cu varios herido. Polis a bay
chek kiko a sosode na e sitio y a bin saca afo cu un Honda Fit color shinishi A-29449 a bin for di verboden banda
panort y net na e momento ey un Chevrolet Celta color preto numera A-20392 tabata biniendo for di pariba.
E Honda Fit a dal den su banda cu consecuencia cu el a bay tambe dal den un cura di cas. E manehador di e Celta a
keda herida. Varios ambulance a presenta na e sitio pa asina duna asistencia medico na e esnan herida. E manehador
di e Honda Fit a keda ku varios sla na curpa. Daño material tabata hopi den e desgracia aki.
