Page 54 - KPA

Abogado Mr Marije Vaders: no a haya nada oficial ainda den
caso di minister Paul Croes

Wednesday, 31 May 2017 15:10
Comparti

E por ta zona raro o asta straño pero despues di algo mas di dos luna, Abogado Mr. Marije Vaders, kende
ta abogado cu ta representa Minister Paul Croes den e caso di investigacion di e asina yama caso IBIS, no
a ricibi nada oficial te cu awe ainda.

E abogado a duna di conoce cu despues di e siman aki, den transcurso di principio di siman lo yama un
conferencia di Prensa pa duna informacion di e caso andando contra e mandatario. E motibo cu te ainda
no a hasi esaki ta pasobra ainda no tin nada op schrift pues oficial. Despues di algo mas cu dos luna cu a
hasi inval na e cas di e politico, ministerio publico no a duna ningun documento of informacion na e
partido encuestion oficialmente. Inval riba cas di un famia Expertonan ta bisa cu e asunto di inval na cas
di un mandatario ta un caso of recurso sumamente grave y asta por considera un ultimo recurso ora bo
tin un caso formal caba. E abogado den un conversacion cu e periodista Tito Laclé, a bisa cu e ta
considera importante pa semper duna husticia tempo pa realisa nan trabou, sinembargo e ta haya e
proceder aki hopi 'raro' y cu ta via Prensa ta haya sa un cu e otro rond di e caso. E abogado tambe a bisa
cu no por papia ni confirma nada, pasobra ministerio publico no ta sacando of dunando ningun
informacion oficial. E abogado ta spera cu pa e siman aki si O.M. lo cuminsa informa di kiko nan ta
acusando e mandatario di dje. No tin nada ainda y ningun informacion oficial cu ta un derecho
fundamental di tur persona incluyendo e persona di Paul Croes. Conferencia di prensa Manera a bisa
caba, pa otro siman lo ta yamando prensa pa topa y duna su pensamento riba e caso aki cu ta hayando
tur atencion den e aña di eleccion aki. Te asina leu e comunicado.