Page 41 - UPDATE KPA DEC 22 2016

⨪

DOW a cuminsa traha di biaha riba caminda desde dia 20 di

November y ainda ta trahando

Wednesday, 21 December 2016 21:14
Comparti

Dia 20 di November a haya un caida di awa riba un diadomingo, basta duro. E caida di awa aki a causa cu
hopi infrastructura, unda cu tabata tin inundacio
, camindanan a yega cu awa, unda cu tabata tin buraco, nan a crece bira mas grandi. Segun Marlon
Croes, director di e departamento, mesora su tras DOW a cuminsa di biaha cu barimento di caminda,
kita santo for di caminda, yena e asfaltnan cu tin buraco, e camindanan di santo cu ta bay pa e zonanan
residencial y barionan residencial, a cuminsa ta gradernan pa nan keda den bon condicion.
Lamentablemente awa a sigui yobe cu ta haci e trabao hopi mas dificil cu di dia 20 di November pa awor
aki, practicamente ta trahando riba e infrastructura di yena buraco den caminda y tambe grader e
camindanan di santo pa nan por keda accesibel na un manera responsabel. Ta un trabao cu ta haciendo
pa evita cu tin mas daño na e infrastructura. Si lage bay, e ta bira molester pa e automobilistanan y tambe
e camindanan lo sufri mas daño y ta rekeri mas inversion pa por coregi esaki. Pa e motibo aki ta trahando
dia y anochi, fin di simannan, pa por tene e camindanan den bon condicion y por cierto ayera a dicidi di
aumenta e capacidad pasobra e periodo di fin di siman di fiesta ta yegando, cu kier tin tur caminda, haci
e maximo esfuerso pa drecha mayoria di e camindanan pa durante e temporada di fiesta cu e comunidad
di Aruba y automobilistanan por trafica mas miho.
Den presupuesto di DOW ta aloga cierto plan di contingencia caminda cu nan tin fondo cu nan ta uza pa
nan por cumpra asfalt cayente y tambe tin asfalt friu cu nan ta cumpra pone den stock pa ora cu tin
mester di dje pa yena buraconan unda cu nan ta uza den trabao. Despues di dia 20 di November nos
infrastructura a sufri basta daño, caminda Gobierno y Parlamento a bay di acuerdo pa aloca fondonan
necesario pa por drecha nos infrastructura. A base di esey a tene den e ultimo simannan riba e cartanan,
fondonan cu a ricibi cu Parlamento a duna permiso na minister y e minister a duna e trabao pa DOW
prepara, ta haciendo e trabaonan aki di drecha camindanan y tambe tene destaho publico pa asina por
drecha e camindanan. No manera structural, pasobra esaki no ta bay sosode e aña aki mas. Manera cu
aña habri lo bay haci esaki. Un di e camindanan ta Pos Chikito/Sabana Basora bay pa Rooi Taki, ta un
caminda den hopi mal estado. For di siman pasa caba a avisa y a manda Conseho caba na Gobierno caba
cual contratista lo bay haya e trabao. Asina por bisa cu manera cu aña 2017 habri, e ta un di e prome
camindanan cu lo wordo drecha. Asina tin diferente caminda cu a tene destaho publico pe pa asina por
mehora e infrastructura di Aruba.

Tin un grupo di scout cu ta core wak tur e coleganan. Ta pidi nan ora cu nan trafica un caminda, wak un
buraco, not’e y geef door y a base di esaki ta fiha un strategia unda ta bay y tambe comunidad, cu tambe
ta contribui, duna informacion na DOW pa por sa unda e problemanan ta y pa nan por bay haci e trabao
di dje, segun Marlon Croes.