Page 7 - BRANDWEER
P. 7
Den e reunion cu a tuma luga entre diferente Departamento y tambe tur e
stakeholdersnan y Aduana a haci diferente palabracionnan pa asina e procedura di
transporte di e containernan aki pa wela no pega, pero Aduana no a mantene su mes
na e palabracionnan aki y e resultado ta cu for di e 21 containernan cu a drenta Aruba
20 container a keda den waf y uno so a logra bay Wela.
Tur e 20 containernan cu a keda ta forma un peliger pa tur esnan cu ta den sercania y
tambe esnan cu ta traha riba waf .Un di e palabracionnan cu sigur a keda palabra ta cu
na momento cu e containernan aki yega Aruba Aduane lo duna di su parti pa e
containernan aki sali mas pronto cu ta posibel y tur departamento a duna di nan parti pa
asina kita e peliger for di zona industrial di Aruba, pero Aduana a opta pa no duna di su
parti y na unda cu e peliger ta core. Mirando e situacion aki e departamentonan a dicidi
cu nan lo bay sinta hunto pa asina traha un rapport riba e situacion.
Un cantidad di 21 container a yega Aruba y ta den Waf actualmente. Sinembargo pa e
bendedo y e importadornan di klapchi e aña aki tur e reglanan a keda mes un cos.
Tambe e control nan lo keda mescos cu tur aña y na momento cu constata algo
incorecto y cu no ta cumpli cu e reglanan cu tin lo tuma accion mesora y na unda e
risico ta core cu por cera e luga hunto cu polis. Oficialmente lo cuminsa bende klapchi
na Aruba dia 27 di December te dia 31 atardi.
