Page 4 - DIGICEL

Digicel ta uni na e “PriceSmart Aruba Walk/Run”

Wednesday, 29 March 2017 21:21
Comparti

Diadomingo awor dia 2 di April, Digicel Aruba ta join PriceSmart Aruba Walk/Run. Esaki ta e di 2 biaha cu
Pricesmart ta tene e evento aki pa su empleadonan, miembronan como tambe publico en general. E
caminata/coremento tin 2 diferente distancia; Un di 15 Km y e otro di 7 Km. No ta importa e condicion, tur hende
por participa sea pa core of pa cana.

Durante e evento Digicel lo ta presente na PriceSmart cu e dry fit shirt di participacion como tambe tin medaya di
participacion pa tur esunnan cu registra pa core of cana den e evento. E top 3 ganadornan lo haya acerca un premio y
trofeo.

Categorianan di competencia ta “Overall 15km” lo saca 3 ganado masculino-femenino, otro 3 ganado di
participantenan entre 18-20 aña; 3 ganado di entre 21 pa 30 aña, 3 ganado entre 31 pa 40 aña, 3 otro ganado entre 41
pa 50 aña y tres ganado mas di participantenan riba 50 aña di edad. Lo saca e tres miho participantenan den
“overall” di 7 kilometer.

Na final PriceSmart lo tin 10 premio hopi atractivo, incluyendo un television LCD40”. Tambe lo ofrece tur particiante
un dushi masashi, fruta y algo pa refresca e garganta.

Hunto cu tur esaki Digicel lo ofrece un variedad di celular pa servicionan Prepaid y Hybrid. Join Digicel den
PriceSmart Aruba Walk/Run, haci ehercicio y uza e oportunidad pa uni bo mes na e compania di celular mas popular
na Aruba.

Pa participa miembronan di PriceSmart por pasa na e mega tienda na Avenida Milio J. Croes 103 of pasa na IBISA.
Pa registra on-line bay na www.arubatiathlon.com/main/fun-walk-run. Costo di participacion ta Awg.20,00 pa
miembro y Awg.25,00 pa no-miembro. Pakete di participacion lo ta obtenibel na PriceSmart dia 1 di april entre 9’or
di mainta te 6’or di atardi y ta contene un dry fit shirt, chip y number di participitante. Fondonan lo bay pa
Wilhelmina Kanker Fonds, Aruba Autism Foundation y Sports 4U.

Pa mas informacion por yama tel. 588-4400 ext.249. Wak pa bo ta den dje!