Page 3 - KPA_Neat
P. 3
ACCIDENTE CU HOPI DAÑO MATERIAL
ENTRE AUTO CU BROMMER NA TANKI
LEENDERT
May 22, 2017 Admin Uncategorized Leave a comment
Tanki Leendert – Diadomingo anochi den careda di 10’or un accidente serio cu
tres hende herida ta sosode na Tanki Leendert.
Polis ta wordo manda cu urgencia ariba e caminda di Tanki Leendert pa un
accidente entre brommer cu auto.
Esaki a sosode na e splitsing cu ta bay pa car colours.
E impacto tawata uno basta duro. Por wak cu posiblemente e auto un Chevrolet
a bay drenta e caya y e brommer a dal parti patras banda robes.
Tres persona a resulta herida, caminda cu na yegada di ambulance a trata cu
nan.
POSIBEL GRUPO INDOCUMENTA LO POR A
SUBI TERA, DIADOMINO ANOCHI
May 22, 2017 Admin Uncategorized Leave a comment
Sero Colorado – Diadomingo anochi algo pasa di 9’or polis ta wordo notifica cu lo
tin personanan drentando Aruba na Colony.
Mes ora a manda varios unidad pa e sitio, caminda a busca tur e areanan cu e
personanan aki ta sconde.
Segun informacion un boto lo a yega kizas algun rato prome na un distancia di
mey kilometer y baha hende. Pues posiblemente polisnan lo a perde e parti aki y
ta yega despues.
Informacionnan cu nos a haya tambe ta bisa cu Kustwacht a para un boto mas o
menos 1 miya pafo, pero no tawata tin nada particular cune, indicando cu
posiblemente ya nan a baha nan “carga” y move.
Niun persona a wordo haya ariba tera.
