Page 50 - AVP

Locual a pasa por ehempel cu e corupcion di siglo alrespecto tereno no por keda asina
sin mas. Anto hendenan asina cu a destrui Aruba financieramente ta keda cana cu nan
cara di coco bay diferente entiero y ta hari y ta baba hende.

Parlamentario Croes a continua splicando cu e asunto di Richard Arends alrespecto su
salario di 22.375 Florin pa luna mas un golden handshake di 2.6 MIYON no a yega su
fin.

Despues cu colega Vrolijk a divulga e contracto mas 3 diferente notulen di shareholders
unda claramente tabata e prueba cu Richard Arends a firma un contracto miyonario y a
haya verlof pa traha tanto como Minister 2016-2017 como Parlamentario desde
november 2017 te cu awor, Richard Arends a sali bisa cu no ta berdad.

Den tur e show di desesperacion Richard ta bisa cu nunca el a traha y a avisa e Board
mientras esun cu a firma e verlof, Mike de Meza manera un gran estupido ta sali bisa cu
ta e mes a duna e verlof. Ken ta gaña ken awor?

Ora bo midi 2 “Ladron” esta Mike de Meza y Richard Arends bo ta inclina pa kere den e
ladron menos mentiroso y cu tin un cara di santo. Pues si nos kere Richard Arends cu
nunca e contract di 2.6 miyon Florin cu e mes a firma no tabata valido y cu nunca e

mes no a traha como CFO di RDA, di con Mike de Meza mester a duna verlof? Di con
Richard Arends a manda dos carta pidiendo su retiro di RDA? Un carta a bay pa ex
director Koolman y e di dos carta awor den augustus 2019 a bay pa gobierno cu ta
100% shareholders. Pues un gañamento sin fin entre nan.

Parlamentario Endy Croes a comenta cu a sigui busca mientras tin investigacionnan
andando y nos a bin dal den poco documento hopi interesante cual lo worde divulga
den prensa mañan mainta durante conferencia di prensa di MEP. Richard Arends lo

worde desenmascara y ta na su lugar pa Richard Arends entrega su retiro na
Parlamento.

Parlamento di Aruba lamentablemente ta yena cu yen di Ladron. Benny Sevinger

Ladron number 1, Mike de Meza otro Ladron y esun mas moderno ta e ladron Richard
Arends. Parlamentario Endy Croes ta invita pueblo pa sigui e conferencia di prensa
dialuna mainta riba Face Book “ Fraccion MEP Parlamento”.