Page 64 - VOS JAN 20

Entre 1500 y 2000 hende ta reaccionando riba carta pa por
registra na Censo

Thursday, 19 January 2017 18:40
Comparti

Anoushka Cadeau, kende ta lider di opschoning di Censo, a comenta cu post ta deliver e oproepbrieven di
e proyecto. Na momento cu nan yega na e adres y compronde cu e persona no ta biba na e adres, nan ta
trece e carta bek. Na momento cu nan trece e carta bek, e hende no ta bay haya un di dos carta na su
adres.

E ta bay directamente na e siguiente stap. E hendenan cu ta biniendo awor aki, di e 10 mil y pico hende
cu tin y cu a ricibi e carta. A ricibi mas di 1000 y ainda no a caba cu e parti di e prome carta. E siman aki
post ta deliver e prome parti di e oproepbrieven. 1500 pa 2000 hende ta reaccionando riba e prome carta
aki, cual ta un porcentahe, si coy for di e 10 mil cartanan cu a saca. Si ta 2000, ta un porcentahe di 20%
mas of menos cu a ricibi caba awor aki, na e prome oproep aki. E di dos oproep, ta un di dos carta pa tur
esnan cu no a bin reacciona of bin meld a base di e prome carta. Esey ta e siguiente stap cu ta bay
continua awor aki directamente despues cu caba cu e prome oproepbrieven. Sperando cu di e forma ey
esnan no a bin ainda of no a haya carta, ta haya un di dos carta, pa por presenta pa registra, Cadeau a
splica. A ripara hopi cu tin hende no ta compronde e motibo pakico nan ta wordo yama.

Loke a bin hopi dilanti ta hendenan cu por ehempel, na e momento cu a haci e bestandsvergelijking cu
AZV, e momento ey, nan seguro no tabata valido. Entre tanto, nan a renob'e. Awor si nan seguro ta
valido. Ora cu bisa nan cu e momento di e bestandsvergelijking e seguro no tabata valido, nan ta saca nan
carchi y mustra cu nan tin un carchi valido. Ta haya mayoria di e casonan, ta esunnan cu AZV na e
momento di bestandsvergelijking no tabata valido y awor si. Despues di un splicacion, tur hende ta ok cu
ta bezig cu un proyecto asina aki.