Page 9 - VOS JAN 20

Organisacion Caballista Arubano lo organisa Feria Equino di
Betico Croes 2017

Friday, 20 January 2017 14:29
Comparti

Diasabra 28 y diadomingo 29 di januari proximo, e Organisacion Caballista Arubano, OCA lo organisa
nan Feria Equino di Betico Croes, celebrando asina Dia di Betico 2017.

E diasabra 28 di januari lo tin e gran competencia pa cabay di tur modalidad cuminsando pa 5or di atardi
na Villa Floralina, mientras su siguiente dia esta diadomingo 29 di januari lo tin e competencia di jinete y
amazona esaki cuminsando pa 3or di atardi. Mester bisa cu lo spera un participacion masal manera
semper ta e caso den e competencianan di cabaya organisa pa OCA. Aña pasa den e competencia di
Interpaso 2016, Aruba su representatenan a haci un tremendo papel logrando varios premio di honor
entre e competidornan di Curacao, Colombia, Venezuela, Estados Unidos y Republica Dominicana. Na
banda di e logro aki, no mester lubida cu e amazona Melanie Wever a retene su titulo mundial pa di 3
biaha consecutivo den e categoria di Amazonas Juvenil 15-17 y a haya un reconocimento halto na Florida
pa su gran esfuerso y logronan den e deporte aki. E siguiente competencia lo ta 18 di maart celebrando e
Himno y Bandera 2016. Un danki sigur na Lotto, e Loteria di Aruba pa medio di Comision di Subsidio cu
a subsidia e eventonan deportivo en conexion cu e celebracion riba Dia di Betico. Tur aña mayoria
federacion tin riba nan calendario un evento deportivo riba 25 di januari, celebrando asina e fecha natal
di e gran estadistica Arubano. Cumprando weganan di Lotto, e Loteria di Aruba bo ta contribui na
deporte riba nos isla. Meta di e fundacion ta pa organisa loteria, cambia bida di su hungadonan y na mes
momento inverti den deporte local pa medio di donacionnan na e Comision di Subsidio.

Franklin Lopes a gana Copa Betico Croes 2017 den tennis di

mesa

Friday, 20 January 2017 14:24
Comparti

Diamars ultimo ya caba e federacion di Tennis di Mesa a inicia cu e celebracion di e Copa Betico Croes
2017 esaki den e categoria Masters unda cu e veterano hungador di ping pong, Franklin Lopes a bira e