Page 46 - MIN ARENDS 19 MAY 2017

Partido MAS kier duna pueblo claridad riba e Bridge Loan

Thursday, 18 May 2017 17:39
Comparti

Despues di a tuma nota den prensa tocante e Bridge Loan pa nos pais, Partido MAS, kier trece claridad
riba e asunto aki. Partido MAS kier primeramente trece padilanti na pueblo kiko exactamente un Brige
Loan ta encera pa asina pueblo por husga pa su mes kiko ta e riesgo y consecuencianan envolvi.

Ora di papia di un Bridge Loan ta trata aki di un areglo financiero temporario cu mester wordo paga den
un tempo corto di menos cu un aña. Basicamento por bisa cu e ta un prestamo den corto plaso diseña pa
duna financiamento temporario di cual hopi biaha ta wordo usa pa cumpra propiedadnan of haci
renobacion di esaki. Un Bridge Loan tin tanto beneficio pero tambe riesgo. Pa loke ta trata beneficionan:
un Bridge Loan ta un financiamento a corto plaso y bo por keda kla pa haña e prestamo lihe. E
Desventaha di un Bridge Loan ta cu ta trata di “ratenan” muchu mas halto cu un prestamo normal.
Partido MAS ta conciente di esaki y ta preocupa pa cu e pago di esaki. Partido MAS ta cuestiona ken ta
esun responsabel pa e prestamo aki mirando cu na final di dia sino ta pueblo ta esun cu lo bay paga pe.
Partido MAS ta cuestiona con pueblo di Aruba lo bay por paga esaki sin cu nos perde nos Status Aparte of
e autonomia cu nos tin den Reino Hulandes. Esakinan ta preguntanan cu Partido MAS ta haci pueblo di
Aruba y kier concientisa comunidad riba e asunto aki como cu e boet pa incumplimento di pago di tipo di
prestamonan asina ta sumamente halto y riesgoso.