Page 5 - MIN ARENDS 19 MAY 2017

Diabierna 19 Mei 2017 Pagina 5

Gobernador a pasa carteranan di Paul Croes

oficialmente pa Minister Bermudez

Awor ta confirma cu
Gobernador di Aruba a
firma e landsbesluit unda
ta pasa tur e carteranan
di ex - Minister Paul
Croes pa Minister
actual sr. Bermudez. E
landsbesluit a keda firma
door di Gobernador, sr.
Boekhoudt for di 12 di
Mei 2017. Esaki ta duna
di conoce cu Paul Croes
no tin ningun cartera mas
bao di su encargo. Awor ta
keda na Gobierno di Aruba
pa sali y bisa e berdad si
Paul Croes ta oficialmente
suspendi te ora cu e caso
keda cla.

Mientras cu e
investigacion ta andando
pa loke ta sospecha Paul
Croes di ta meti den
corupcion y algun cos
mas, ya tin un persona cu
a keda deteni. E tabata un
di esnan cu ta traha cerca
di e mandatario.

Polis a bay

pa melding

falso di bestia

peligroso

Diamars, pa mas of
menos 5’or y 28 di atardi,
Central ta dirigi patruya
na un cas na Pos Chikito,
pa un cacho cu lo ta
atacando hende. Na e
sitio a bin resulta cu no
tabata tin ningun cacho
den e vecindario. Polis a
papia cu e habitantenan
di un cas, cu a declara
cu nan no a yama polis
y cu nan tin solamente
un “chihuahua”. Central
a wordo poni na altura.
Central a yama e
denunciante, pero esaki
no tabata contesta.
Central a dirigi polis
na un cas na Savaneta,
caminda cu nan a papia
cu e habitantenan, pero
nan no a yama polis.
Central a wordo poni na
altura.