Page 12 - SOLO DI PUEBLO
P. 12
Pagina 12 Diabierna 17 Februari 2017
Durante e Relations Party cu tema “Barnyard”:
Aeropuerto di Aruba a gradici su partnernan
valioso pa 2016
Aruba Airport Authority N.V. (AAA) recientemente a tene
su Relations Party anual y a usa e oportunidad aki pa
gradici tur su partnernan cu ta traha hunto pa aeropuerto
por ta exitoso. E ta tuma varios persona y diferente
organizacion pa maneha e retonan diario pa mantene
e operacionnan di un aeropuerto, y 2016 no tabata un
excepcion. E evento cu tema “Barnyard” a wordo teni
na Alhambra Ballroom, y durante e festividad, 3 award
unico a wordo otorga di parti di AAA pa prestacionnan
excepcional den 2016:
ANSA N.V. a ricibi e “Airport Partnership Award” for di CEO
di AAA, sr. James Fazio pa e varios logronan, incluyendo
algun inversion tecnologico cu ta na caminda pa control
di trafico aereo y pa nan compromiso y dedicacion pa
mantene e cielo di Aruba sigur.
United Airlines un biaha mas a ricibi e “Airline Marketing
Award” for di AAA su Air Service Development Manager,
sra. Jo-Anne Arends pa e aumento di 11% di pasahero
adicional y 10% mas capacidad di asiento den 2016.
Dufry Aruba N.V. a ricibi e “Airport Concession Award” for
di AAA su Commerce Manager, sr. Marc Figaroa pa nan
aumento den venta cu 11% y por lo general un prestacion
excepcional bao di e concesion Liquor & Tobacco.
“Mirando cu nos ta preparando pa e proyecto “Gateway
2030”, e siguiente añanan lo tin su retonan, incluyendo
varios cambio y algun inconveniencia.
Pero, nos sa cu nos tin e sosten di nos partnernan di
aeropuerto y nos lo “roll up our sleeves” cu e conocemento
cu hunto nos lo logra finaliza un proyecto cu Aruba lo ta
orguyoso di dje,” asina CEO di AAA, sr. James Fazio a
bisa durante su discurso.
Polis bario Oranjestad ta sigui score!
Polis a atrapa transporte pirata
Diarazon mainta den Socotorowijk polis di
barrio Oranjestad a para un auto despues di
a wak e pick up ta baha hende. Polis a sigui
su tras y a par’e. Ora cu a bay controla e
papelnan a resulta cu e papelnan no tabata
na ordo, ni seguro tampoco.
Pa colmo e chauffeur no por a identifica
su mes cu ningun legitimacion. Mirando cu
ta trata di un stranhero cu di 5 permiso, ya
biba na Aruba, pero permiso ta bisa otro tipo
di trabao, nan a dicidi pa hibe warda unda lo
avisa Dimas riba esaki. Dimas por cuminsa
controla e cabayero aki pa su siguiente
permnso ya cu el’a viola ley pa loke ta trata
su permiso. Lo bay evalua si e lo keda Aruba
of lo expuls’e for di Aruba. Esaki ta un bon
trabao di e polis di bario Oranjestad cu ta sigui
haci su esfuerzonan pa por atrapa tur taxi -
pirata den area Oranjestad.
