Page 30 - ARUBA BANK

Ningun rato so no tin informacionnan incorecto cu a wordo duna. AVP a traha dos tabel

cu informacion di Banco Central. E otro tabelnan ta di banco central. E tabelnan

cu AVP a traha ta cu cifranan veridico y ta papia di e cifranan.

E cifranan aki ta demostra con comercio no tin confiansa den Gobierno.

Comercio no ta bay inverti y den futuro, no ta bay tin inversion. Esey ta skirbi den e

rapport. Esey tin cu discuti. Tin cu discuti cu awe nos tin un desempleo mas halto.

Tin cu dicidi cu awe tin negoshinan cu ta cera. Esey ta loke cu e rapport eynan ta bisa.

Pero no kier discuti riba esey.

Kier discuti riba un tabel.

Segun Sneek, ta spera cu di berdad lo a haya e hendenan cu a priminti cu nan lo ta

diferente, cu nan si lo ta critico. Pero awe ta ripara cu nada di esaki. Awe ta ripara cu

simplemente cada bes ta busca algo pa purba di defende gobierno, pa bisa cu esaki no ta

berdad, of esaya no ta berdad.

E cifranan cu a wordo usa pa traha e tabelnan aki ta 100% veridico. Nan ta riba e website

di Banco Central. E cifranan aki ta demostra cu e prome cuartal bentanan a cay

formalmente y e di dos cuartal tambe, bentanan a cay formalmente.

Awe nan a haya un lolipop pa nan por purba di defende nan curpa, pero e realidad ta cu e
rapport eyfo, e cifranan ta eyfo y ta papia palabra berdad y ta e cifranan ta loke ta

importa, caminda cu por mira kico ta pasando den comercio.

Por mira cu no tin inversion y tur e cifra y informacionnan aki ta poni riba e rapport di

Banco Central, e parlamentario a comenta.