Page 30 - FDLP

Parlamentario Vrolijk a splica cu e mes ta un di e personanan cu a para cu Aruba no
tabata den necesidad di dos lotto, pasobra e ta kere cu esun existente historicamente a
wordo lanta pa yuda deporte na Aruba.

E parlamentario a subraya cu lamentablemente Lotto pa Deporte a bira algo politico, y
e ta kere cu mirando e ultimo decision di Huez y e cantidad di tempo cu a perde den e
gobernacion aki pa por yuda e deportistanan. Segun e parlamentario, nan ta ricibi hopi
reclamo y nan mes ta mira con e canchanan a bay atras loke ta un berguenza.

Pesey den recess e hunto cu parlamentario Tjon a traha ley cu nan a entrega cu hopi
orguyo pero nan ta spera cu pueblo tambe contribui cune pasobra e lotto nobo cu lo
bin, lo sirbi e comunidad deportivo.

Nan a amplia e destinacion di e fondonan cu e lotto aki lo genera tambe pa scol pasobra
esaki tambe ta importante pa educa e muchanan, principalmente riba salud. Ademas a
amplia e meta pa tambe yuda hendenan grandi.

Parlamentario Edgard Vrolijk a subraya cu nan a hinca e lotto nobo den un bachi
completamente pa pueblo di Aruba. E lo no ta solamente un competencia pa e lotto
actual, pero tambe e metanan cu tin di ta pa deporte, salud y recreacion lo hacie

diferente tambe.

El a enfatiza cu e fundacion cu lo maneha e loto aki, mester tene na dje y fraccion di
MEP lo percura pa esey tambe. E ta masha importante cu cualkier gobernacion cu bin

den futuro lo no por haci cambio riba e ley, pasobra cada gobierno tin un vision riba
deporte pero no por ta cu “bo ta atraca un fundacion, hacie di bo”.

E ta confia cu pueblo lo sostene en grandi e fundacion aki, pasobra e ta wak e bon

intencionnan di esaki pa deporte y tambe cu no por ta asina cu un fundacion ta stroba
un gobierno, un minister, pa ehecuta su proyecto y plannan. Vrolijk a acentua cu
naturalmente lotto ta di pueblo pasobra ta pueblo ta contribui.