Page 24 - HOH

Aki ta trata testnan importante pa salud di nos hendenan cu laboratorio ta encarga cu man
y cu ta tarda pa haya resultado. Tambe tin cuestionamento di e forma con ta trata cu e
testnan.

Minister tempo e tabata den Parlamento tabata pidi pa investiga tur cos y tur hende y bao
di su wowonan con ta posibel cu iregularidadnan por sosode.

Pesey mes ta facil pa papia of reclama, pero ora cu bo mes tin cu haci e trabao como
mandatario esaki ta resulta den practica otro cu a kere.

Wyatt-Ras a puntra ki tempo e investigacion cu Minister a anuncia lo cuminsa y cuanto
tempo esaki lo tuma. E Parlamentario a puntra pa otorga Parlamento e raport di tal
investigacion. A puntra alabez si Minister a combersa cu Conseho di Supervision di
Hospital y con e combersacion aki a bay y palabracionnan. Tambe a puntra si e schors e
manager y e motibo.

Un otro investigacion cu Minister tempo e tabata Parlamentario continuamente tabata
papia di dje tabata rond di construccion y renobacion di Hospital.

Nunca e Minister y su partido no a gusta e contratista y critica tur cos cu tin di haber cu
Hospital y su renobacion.

Mientrastanto ya caba tin mas di 2 aña di gobiernacion y e proyecto di renobacion no a
finalisa ni e investigacion cu e Minister tanto a papia di dje ora e tabata Parlamentario.

Wyatt-Ras ta spera cu e Minister no ta bay uza e asunto aki pa bay bula cabez di hende
den hospital, pa pone su friends. Un otro pregunta di Wyatt-Ras ta nombramento di
miembronan di Conseho di Supervision cu lo no tabata cla. Hustamente e hunta aki tin
control di calidad di Hospital na su encargo y ta necesario cu esaki ta bon regla p’e por
haci su trabao di control di maneho di Hospital debidamente. Si esaki no ta bon regla e
control lo ta dificil di efectua.

Wyatt-Ras ta spera di haya contesta pronto