Page 6 - AWEMAINTA

6 AWEMainta Diabierna, 19 juli 2019

Mantencion y limpesa ta continua riba damnan

MANERA Departamento di Agricultura, Cria y Pesca Santa Rosa

a anuncia na varios ocasion cu trabounan di mantencion di dam-

nan ta sigui na momento cu esaki ta oportuno. Pakico oportuno?
Mester tene cuenta cu e awa cu tin den e dam logicamente mester

seca completamento prome cu trabounan di limpiesa cuminsa.

Na momento cu esaki ta lodo no por haci nada cu nan ekiponan
pisa. Nan a yega di experencia cu nan tractor of truck a pega.

Den otro casonan tabata hopi dificil maniobra cu nan truck den

tur e lodo cu nan mester a pospone e trabou te ora cu e lodo seca

completamente.
Por tuma nota cu den e ultimo lunanan aki cu tin un solo bas-

tante cayente y manera semper calor sofocante ta haci y awa no

ta yobe suficiente esaki ta haci cu e lodo cu ta keda den e fondo di
e dam ta secando of tin cu a seca caba.

Esaki ta haci cu nan di Santa Rosa ta tuma accion di biaha pa cu

mantencion. Trabounan a cuminsa n’e dam di Piedra Plat camin-
da cu a haci uzo di nan ekiponan pisa pa saca tur sushi y santo cu

tabatin den fondo di e dam aki.

Por tuma nota cu tur santo ta wordo acomula na banda p’asina

wordo transporta cu truck riba tereno di Santa Rosa. E santo aki
nan ta uza pa traha nan mesun gordura cu lo wordo bendi cu pu-

blico.

Despues cu a termina cu trabounan di mantencion n’e dam di Pie-
dra Plat a sigui p’e dam di Noord cu ta pariba di Misa di Noord.

Aki tambe trabounan di limpiesa y mantencion a cuminsa.

Aki tambe por mira cu tur santo cu a wordo acomula den e fondo

di e dam ta wordo saca poni un banda y despues wordo transporta
pa Santa Rosa. Esaki ta haci cu e dam por carga mas awa na mo-

mento cu bin un torencial awasero. Mas santo wordo saca mas

awa e ta carga.

Departamento di Agricultura, Cria y Pesca Santa Rosa ta pendi-

ente p’e otro damnan den diferente bario rond Aruba pa mira cua

lo bira e siguiente cu lo mester ricibi su mantecion.

Na momento cu logra pa tur dam ricibi na limpiesa y mantencion
lo keda den espera pa un torencial awasero pa por colecta mas

tanto awa posibel p’asina nos productornan local por probecha

mas tanto posibel di e awa cu tin disponibel n’e momento ey. San-

ta Rosa trahando semper na bienestar di Sector Primario.