Page 11 - WEB

A29
SERVICIO Diaranson 8 augustus 2018

Cambio den prijs di

productonan petrolero

ORANJESTAD - Basa riba e posting promedio di Platts
US Market scan (Gulf Coast) pa e periodo di 1 te cu 31
di juli 2018, minister di Financia, Asuntonan Economi-
co y Cultura, Xiomara Ruiz-Maduro ta anuncia e prijs-
nan nobo di benta di combustibel.
E prijs di combustibel entrante awe, dia 8 di augustus ta:

Gasoline unleaded-premium: 217,1 cent p/ltr. (\+ 2,3 cent)
Diesel LS : 184,6 cent p/ltr. (- 0,1 cent)
Kerosin : 175,2 cent p/ltr. (+ 0,7 cent)

E prijsnan ariba menciona ta inclui BBO/BAZV/BAVP

Mercado di Brazil

BRAZIL - E prome actividad cultural en
conexion cu Dia Di Brazil ta cuminsa diado-
mingo, dia 12 di augustus, cu un parada 2or di
merdia.

E parada lo sali for di misa Cristo Rey di Brazil y
ta termina den centro di bario na unda cu ta bay
tin un ambiente cultural for di 3pm pa 9pm cu 10
agrupacion tipico.

Entrada ta solamente 7,50 florin. Den e parada aki
no ta bay tin nada electronico y ta cada ken cu su
grupo ta bay traha su ambiente. Seya ta cu su wiri,
tambu, tambor, clabiyo, pues tur locual ta saca
zonido. Esaki ta algo unico y e amante di musica
folklore cultural no por laga esaki pasa sin cu nan
ta den dje.

E siguiente actividadnan relaciona cu dia di Brazil
ta:
Dia 18 di augustus: eleccion di reina Baby, Chikito
y Prenda cultural.
Dia 25 di augustus: eleccion di Damita, Dama,
Gran Dama y Dama grandi Cultural.
Dia 31 di augustus: Parada cu lanterna.
Dia 1 di september: un anochi festivo cu Brisa
Tropical, Rincon Boys y Stimami.

MercadO di Brazil
Dia 2 di september ta e ‘Gran Parada Folklore Cul-
tural’ cu ta cuminsa pa 3or di atardi for di Centro
di Bario Brazil. E Mercado di Brazil ta cuminsa
for di mainta pa 9.30, pa asina nos pueblo por pasa
cumpra nan cos dushi, crioyo y mas, netamente
Arubiano, te den oranan di anochi despues di para-
da Cultural.

Tent pa bende cos dushi, etc.
Ta haci un yamada na esunnan cu ta interesa pa
un tent pa bende cos dushi, cuminda, mata y mas,
pa tuma contacto cu Ifna Noguera na cell: 566-
9069, despues di 6or atardi.