Page 19 - WEB

Mike De Meza Riba Futuro Di E Refineria – “Gobierno

No Ta Haci Nada Y Djis Kier Sinta Warda E Proyecto

Si E Ta Fracasa”

 Politica
- 07/08/2018

E hecho cu Gobierno di Aruba a dicidi di para e proyecto di Parke di Molina di Biento na
Urirama tin efecto riba e plan pa Aruba ta independiente di sistemanan tradicional pa
producción di awa y coriente. Esaki ta loke e Parlamentario Mike de Meza a cuestiona
tambe recientemente, ya cu e ta mira cu no tin un maneho di energía cerca Gabinete
Wever Croes. Y e hecho cu e Parke di Molina na Urirama a wordo para ta un bibo
ehempel.

“Esey ta lastima pasobra tin 30 megawatt caba; na aeropuerto tin 3 megawatt; na
Lagoheights ta 6 megawatt y si e Parke di Molina pabou a bini lo tabatin 30 megawatt cu
cual lo a yega na mas di 70 megawatt di energia alternativo. Sin conta cas, scol y
edificionan di Gobierno cu ta riba solar panel caba. Cu tur hunto tabata bay den un bon
direccion y cu esey a tranca aumento di prijs di awa y coriente y alabes no tabata depende
di aumento di prijsnan internacional. Lamentablemente Gobierno a para tur e
proyectonan aki sin cu nan a bin cu un alternativa.”

E otro proyecto cu e politico a bisa cu nan nan a tuma nota y no a tende nada di dje, ta e
refineria. E partido grandi den e Gobierno a aparenta di ta positivo pa cu e refineria. MEP
a organisa Manifestacion Hora Cero, unda integrantenan di nan a bay Venezuela
supuestamente pa negocia e contracto cu CITGO y PDVSA. Na momento cu nan a drenta
Gobierno tur cos a para, por a scucha Prome Minister bisa cu ta respeta e contracto pero