Page 20 - HOH
P. 20
Cantidad di persona entrena pa maneha
Diabetis tipo 2
Posted on 08/26/2019 6:19 pm AST | Updated on 08/26/2019 6:19 pm AST
ORANJESTAD - Cuminsamento di aña 2019 Fundacion Diabetes Aruba (FDA) a
anuncia un proyecto nobo, cual ta PRISMA Aruba.
PRISMA ta nifica na Hulandes: ‘PRO-actieve Interdisciplinaire Self MAnagement
educatie’, esta Educacion tocante Maneho Propio cu ta Pro-activo y Interdisciplinario.
Den e luna di mei FDA a organisa un curso di “train-de-trainer” pa e dunadonan di cuido,
unda e profesionalnan den e diferente area di cuido di diabetes a participa. Hasta e
dunadonan di cuido di Curacao a bin Aruba pa sigui e training aki. E training a wordo
duna pa dos instructor for di Amsterdam UMC di Hulanda, pa asina educa e dunadonan
di cuido segun e filosofia di PRISMA.
Awor Aruba tin un total di 22 PRISMA trainers, consistiendo di enfermera diabetico,
dietista, fisioterapista, boticario, “praktijkondersteuner” y un dokter di cas.
Awor ta toca turno na e pashentnan!
