Page 13 - WEB

Tin 11 Compania Interesa Pa Entrega Oferta Pa Loke

Ta Trata Maneho Di Desperdicio Di Sushi, Pero No

Tin Seguridad Cu Si Nan Lo Participa Na Final

 Local
- 29/08/2019

Na varios ocasion a reuni cu e Comision Permanente di Parlamento pa loke ta trata
Medio Ambiente y Infrastructura caminda a duna un exposicion completo di e proceso cu
ta andando n’e momento aki pa loke ta trata maneho di desperdicio di sushi.

Den e ultimo reunion cu e Comision Permanente, e ministerio conhuntamente cu
expertonan di WEB cu ta guiando e proceso di Waste of Energy Plant cu n’e momento
aki ta bezig cune den un asina yama limited tendering caminda tin 11 compania cu ta
participa.

Despues di e destaho publico cu a tene, esaki no a produci e ofertanan cu a spera, pero
basa riba e preguntanan cu tabatin di e companianan y despues cu a aclaria varios di e
preguntanan, awor tin 11 compania.

E siman aki lo reuni cu tur y como mandatario encarga, ya caba a notifica Parlamento cu
tin reunion cu e tecnical team cu a lanta basa riba e National Task Force cu a crea na
2018.