Page 34 - ARUBA BANK
P. 34
2 AWEMainta Dialuna, 27 Mei 2019
A celebra
Clausura di Aruba Bank su 15 Walk & Run cu Premio
y canto di Jeon y Upgrade
UN siman yen di emocion ora cu mas di 2000 hende ta haci
tur nan esfuerso pa completa 4 dia di e Aruba Bank Walk &
Run 2019. E di 15 edicion di Aruba Bank Walk & Run hunto
cu Subway a termina diabierna riba parkeerplaats di Aruba
Bank na Hato.
For dia cu e inscripcion a habri, e evento a kibra record y ta-
bata “Sold Out” den menos di 1 ora. Miles di persona a par-
ticipa y pa 4 dia largo, nan a cana y core den 4 bario di Aruba.
E participantenan a cana pa 4 dia den e barionan di San Nico-
las, Sta. Cruz, Paradera y Noord. For di e prome edicion por a
conta cu comunidad completo consistiendo di participacion di
famianan completo, adulto, mucha y hoben. Participantenan
por a track nan mesun tempo dor di download e Aruba Bank
Walk & Run app. Tur participante tabata feliz di a logra ter-
mina e Walk & Run, pero tambe mehora nan tempo cada dia.
E evento a clausura diabierna anochi cu premiacion di atle-
tanan y un regalo special di Aruba Bank na comunidad cu
presentacion di nos yiu di tera Jeon. Aruba Bank y Subway a
felicita tur ganador y tambe tur persona cu a participa y con-
tribui pa haci e Aruba Bank Walk & Run exitoso.
Pa por a saca e ganadornan di e evento aki, a conta e tempo
total di tur dia pa saca e mihor tempo. Despues di e dia final,
Aruba Bank y Subway a haci entrega di premionan na e par-
ticipantenan cu tabatin e mihor tempo di tur 4 dia. Aruba
Bank y Subway ta gradici cada persona cu a participa y felicita
cada ganado di e Aruba Bank Walk & Run 2019. Tambe ta
gradici IBiSA, Cuerpo Policial, Rode Kruis, Motor Unit, Patri-
shi Sports y boluntarionan pa yuda haci e evento aki un otro
exito.
E resultado di e Aruba Bank Walk & Run 2019 ta como lo
siguiente: Top 5 ganador masculino:
Alexander Hodge;
Jonathan Busby; Giannon Eights;
Kelvin Gama Gonzalez y
Jesus Galea.
Top 5 ganador femenino:
Lana Gobert;
Pauline Vackier;
Yuli Tineo;
Kirah Regales y
Rebecca Jansen.
