Page 50 - AHATA
P. 50
Awe SMFA ta orguyoso di por anuncia cu tur cos ta cla y cu e California Lighthouse ta habri atrobe
pa publico.
Despues di a evalua e presentacion di tres diferente compania, e directiva di Stichting
Monumentenfonds a scoge pa Experitours. Nan lo ta e partner nobo y lo ta encarga cu promove e
California Lighthouse y duna tanto turistanan como bishitantenan local e oportunidad pa subi e faro y
disfruta di e bunita bista for di ariba.
Ya pa algun dia Experitours ta activo den e forma di fast track tours na e California Lighthouse
mirando e demanda grandi di e diferente tour operatornan pa e Lighthouse ta accesibel. Tambe por a
nota un actividad den cuadro di Halloween exitoso cu a organisa den e weekend pasa.
For di awe nan lo ta habri tur dia entre 9 or di mainta y 7 or di anochi.
Pa locual ta trata Stichting Monumentenfonds nos ta yama Experitours bon bini na e famia di
huurdonan di nos monumentonan y ta deseanan exito.
E California Lighthouse construi entre 1914 y 1916 ta un di e diescinco monumentonan cu ta
pertenece na Stichting Monumentenfonds Aruba. Na aña 2015 a restaura esaki completamente y na
2016 despues di e apertura oficial e Faro a keda habri pa publico pa prome biaha den historia. Pa dos
aña largo Faro Blanco Restaurant a keda encarga cu esaki y awor Experitours tambe lo forma parti di
e historia di e Faro di Westpunt.
