Page 21 - ATA

Agente policial Gerald Maduro: KPA ta tene cuenta cu e
medio ambiente di Aruba

Tuesday, 18 April 2017 21:45
Comparti

Di parti di Cuerpo Policial, Gerald Maduro, agente policial na Noord, a menciona cu di parti di
KPA, no ta di awor caba tin miras riba e medio ambiente di Aruba completo.

Ta for di comienso di aña 2000 caba, tur agente policial, ora cu nan tin cu finalisa nan
opleiding, nan tin cu pasa riba un proyecto grandi, basa riba e medio ambiente di Aruba.

Cu esey Maduro kiermen, cu cada agente policial, ora cu nan ta yega na e etapa final di nan
opleiding, pa bin cu un proyecto cu por trece concientisacion riba e medio ambiente di Aruba
completo.

Ta bon pa menciona cu 2 aña pasa, a cuminsa pone miras mas tanto riba e beach, riba e parti
di nos lama, nos duinnen, por menciona di e proyecto di klas 2011, cu a bin cu un proyecto pa
turtuga, pa concientisa pueblo di Aruba, riba e importancia di turtuganan na Aruba.

Aña pasa klas 2012 a bin cu un proyecto cu yama “Evenementen op strand”. A bin cu cierto
cambio, cierto condicionnan, cierto reglanan, pa asina mehora pa si toch, yega na e permiso,
pa haci evento riba nos beachnan cu por ta menos daño cu por causa nos medio ambiente.

Pa esaki kier a trece padilanti tambe cu KPA ta tene cuenta cu e medio ambiente di Aruba. Tin
reglanan cu ta pa mantene e parti ey hopi importante. Pa e motibo aki tambe KPA ta orguyoso
di ta forma parti di un proyecto cu ta bay cuminsa y ta cla pa esaki. Por tene na cuenta tambe
cu no solamente riba e parti di boet, pero pa concientisa e pueblo di Aruba riba e importancia
di nos beachnan.

Esaki ta loke nos ta promove, nos beachnan ta number 1 den Caribe. Nos tin cu conserva
esakinan y mas cu claro tin cu cuminsa na cada hende na Aruba y despues di esaki ta pase pa
nos turistanan cu ta bishita nos isla.