Page 30 - ATA

Enfocando riba nos playanan ta un di e aspectonan
importante pa proteccion di nos turismo

Tuesday, 18 April 2017 22:02
Comparti

Ta hopi importante pa duna atencion na nos medio ambiente. Esaki ta bin ta haci na diferente
manera segun Ronella Tjin Asjoe-Croes, CEO di ATA.

Hunto cu e diferente stakeholdernan hunto cu ATA, ta poniendo enfasis riba un di e
aspectonan mas importante ora cu ta trata turismo di Aruba, fuera di nos hendenan, fuera di
nos siguridad, nos playanan, cual ta e di tercer pilar riba cual nos industria turistico ta basa su
mes riba dje.

Durante un conferencia di prensa awe, a presenta diferente iniciativa cu ta haciendo di parti di
ATA pa varios aña caba, enfocando riba e proteccion di nos playanan.

Pa por comparti algun di e iniciativanan aki, di parti di oficina di turismo, conforme cu nan plan
di maneho tambe cu a cambia, of e di dos plan di maneho cu a introduci na 2014, a bin ta
inverti den nos playanan na diferente manera.

A inverti den limpiesa, di e awanan for di e area di Nikki Beach te cu e area di cas di
gobernador. Esaki na 2015 tabata un proyecto piloto cu a haci hunto cu DOW entre otro y
Varadero, cu a ehecuta e trabao. Esaki a cana hopi bon, segun Tjin Asjoe-Croes. E aña aki lo ta
continuando cu esaki for di e area di Hyatt te cu Ritz Carlton y hopi di e trabaonan aki kisas no
sa di dje, no ta mir’e. Ta trabaonan cu ta sosode den e awanan y ta limpiesa di nos awanan. En
todo caso, esaki ta un di e proyectonan hopi grandi di ATA.

Tambe a inverti de diferente bui, colocacion di esakinan den diferente area y tambe conforme
ora tin mal tempo, e buinan aki ta wordo kita. Nan ta wordo poni bek, ta ehempel di otro
trabao di ATA tambe, den cierto zonanan y tambe den otro zonanan, Turism Product
Enhancement Fund, ta percura pa e buinan.

Tambe a inverti den diferente borchi. Esakinan recientemente a cuminsa pone nan. Por mira
awe un di e borchinan y cu e borchinan ta den dos idioma. Den Ingles y na Spaño y ta duna
informacion di e reglanan di uzo di nos playanan, den e caso aki, e parti di nos duinnennan, e
parti di e conducta cu ta rekeri riba tera, riba nos santo blanco. Esey ta un total di 19 borchi lo
wordo poni rond di nos isla den diferente zona. Tur hende por tira un bista di e borchinan aki