Page 56 - MIN JUS

AWEMainta Diahuebs, 19 Januari 2017 27

Miss Aruba trahando duro

pa e prome corona di

Miss Universo pa Aruba
Miss Universo pa Aruba

NOS ta sigui e pasonan di nos representante
srta. Charlene Leslie di serca pa loke ta su
participacion na e certamen Miss Universo cu
ta tumando lugar na Filipinas.

Ademas di tin contacto cu nos representante
mes, nos ta sigui tur e desaroyonan di e certa-
men riba rednan social manera Facebook y
Instagram y aki ta unda cu nos ta riparando
cu e popularidad di Charlene ta aumentando
dia pa dia. Hopi di e comentarionan ta referi
na e estatura y elegancia di Charlene y cu e ta
luci bunita na tur momento.

Ya caba tabatin e prome presentacion den
trahe di baño Yamamay y nos reina a impone,
saliendo den e lista di candidatanan cu miho
curpa. E lista aki a wordo traha pa missologo-
nan cu tur aña ta sigui e certamennan inter-
nacional di cerca y nan tambe ta menciona
nos representante como un di e candidatanan
fuerte pa e certamen.

Miss Aruba a wordo scogi tambe pa forma parti
di un bishita na e ciudad Baguio unda cu e
candidatanan a wordo ricibi cu un ceremonia
oficial, sigui pa un parada den e cayanan di
Baguio. Charlene a comenta cu Filipinas ta un
pais hopi bunita y cu hendenan hopi amabel
y cariñoso. Apesar cu candidatanan ta haya
mas o menos 3 ora pa drumi pa dia, e gana y
motivacion pa sigui traha ta halto.

Nos ta invita tur hende pa sigui nos Miss Aruba
su pasonan via su rednan social riba Facebook
(Charlene Leslie y/of Miss Aruba Pageant) y
tambe Instagram (@charleneleslie).
Dentro di algun dia ta sali un delegacion
chikito pa mustra apoyo na nos Miss Aruba na
Filipinas. Nos ta keda pendiente pa mas update
cu nos lo sigui comparti cu Aruba completo.