Page 92 - MIN JUS

DIMAS ta desea un comunicacion directo y estrecho cu tur su
clientenan den 2017

Wednesday, 18 January 2017 22:28
Comparti

DIMAS ta desea pa e aña 2017 di tin un comunicacion mas directo y estrecho cu tur su
clientenan.
E uzo di computer, tablet y smartphone ta hopi IN. Sea cu ta uza esakinan pa por manda email,
whatsapp, lesa noticia online, haci transferencia bancario, of pa ta activo riba plataformanan
social (facebook, twitter, instagram), of ta skype y ta haci (video)calls cu famianan aki of den
exterior.
Sinembargo nos ta constata cu un gran mayoria di nos clientenan (90%) ta opta - ora ta trata e
trahamento di cita pa por entrega un aplicacion pa un permiso di estadia na DIMAS - pa no haci
esaki nan mes sino ainda ta opta pa haci uzo di servicio di terceronan.
Pa sigura cu e comunicacion entre DIMAS y e cliente ta cana semper fluido y sin interferencia,
e ta esencial cu cada cliente tin su propio email adres y ta haci uzo di esaki ora di comunica of
sigur ora di haci cita na DIMAS. Asina DIMAS por comunica na tur momento directamente cu
e cliente mes.
Pa haci un cita online na DIMAS ta facil y e ta gratuito.
E cliente mester
 bay riba e website di DIMAS www.dimasaruba.com uzando sea bo
smartphone, tablet of computer (24/7) y mester tin tambe aceso na
internet/wifi.
 scoge e idioma di su preferencia
 scoge den e calendario - den e partinan cu ta berde of oranje - un fecha y orario di su
conviniencia
 completa e formulario online di registracion pa cita y e lo haya un peticion via di su
email cu a keda suministra pa e haci un confirmacion mesora (mester haci e
confirmacion dentro di 6 ora)
Si bo no a registra bo email anteriormente ora di haci cita online via di website di DIMAS, y bo
no a haya bo confirmacion den bo inbox di biaha, ta consehabel pa bo check bo "spam" of
"trash" box tambe pa verifica si bo email di confirmacion a cay eyden.
DIMAS ta comunicando desde juni 2016 via di e email cu a suministra ora di haci cita, ora cu
tin un carta of desicion al respecto e peticion pa estadia pidi na DIMAS.
Un evaluacion ta mustra cu tin un posibel interferencia negativo ora cu e email adres provee no
ta di e cliente mes y esaki ta percura pa un stagnacion innecesario di e proceso.
Na final di aña 2016 DIMAS mester a manda un bulk di desicionnan pa medio di coreo sigura