Page 75 - MIN VOS

MetaCorp cu cheqeo di

salud pa tur su

empleadonan

Published on December 14, 2016 in Local
ORANJESTAD, Aruba

MetaCorp a organisa un cheqeo di salud pa nan empleadonan. MetaCorp hunto cu tur
su subsidario nan a wordo a ricibi bishita di Wit Gele Kruis. Olga Goddet di Wit Gele
Kruis ta un di e personanan encarga cu e chekeo aki. E prome impresion ta cu mayoria
empleado ta den bon condicion di salud. Algun tin presion halto, pa cual a splica e
consecuencianan y a comparti conseho con pa biba mas saludabel y pa reduci nan
nivel di presion, sucu y colesterol. E trahado di Wit Gele Kruis a elogia e hecho cu
MetaCorp ta tene e control aki pa nan trahadonan. El a indica cu un cantidad promedio
di 235 empleado a participa den e chekeo di salud. Empleado a comenta cu nan ta hopi
contento cu tin e oportunidad pa check nan salud cu Wit Gele Kruis. “Nos ta gradicido
cu nan a bin cerca nos”, empleado ta expresa. El a agrega cu pa fin di aña tur hende ta
purba di keda den forma, aunke e ta un temporada unda tur hende ta come hopi.
Locual mester purba di haci ta come bon y pa no abusa.”Mi ta hanja e iniciativa aki di e
compania hopi bon. E aña aki ta e prome biaha cu nos ta haci’e dos bes pa aña.
Empleadonan ta haya e iniciativa aki hopi bon”. Awor cu ta haci e cheqeo di salud aki
dos biaha pa aña por analisa unda bo tabata e prome biaha y tene un otro control algun
luna despues.