Page 36 - HOH

Segun e Departamento di Salubridad di Orange County (DOH-Orange) varios galiña di e mesun granja, a test
positivo pa e virus peligroso y mortal ‘Eastern equine encephalitis virus (EEEV)’ Tambe a informa cu e
riesgo di transmission pa humano a aumenta.

Segun e Centro di Control di Enfermedad y Prevencion(CDC) ta trata di un malesa no comun, cu ta wordo
transmiti door di un sangura cu ta infecta cu e virus. “EEEV “ ta pertenece na e grupo di malesanan cu ta
wordo transmiti pa sangura. E virus aki por causa inflamacion di celebro(encephalitis).

EEEV ta wordo mas raporta den e estadonan na costa di Atlantico y na e costa di Gulf, maske segun CDC
algun caso ya a wordo raporta den e area di Great Lakes. Loke ta straño cu ta solamente 5 pa 10 caso ta wordo
raporta anualmente na Merca.

E sintomanan di e EEE virus ta aparece entre 4 pa 10 dia despues cu un persona wordo pika pa un sangura
infecta. Casonan mas severo di e virus aki ta cuminsa cu un dolor di cabes fuerte y inespera, keintura, frieu,
sacamento, y segun e malesa progresa e ta causa desorientacion, ataca y por bay den coma.

un tercer parti di esnan cu wordo infecta cu e virus EEEV ta fayece, mientras e otronan cu sobrevivi e virus lo
keda cu poco of cu brain damage grandi.

No tin niun tratamento especifico pa e infection aki.

Segun CDC, “Antibiotica, no ta efectivo pa combati e virus y te ainda no a descubri niun remedi anti-viral
efectivo tampoco.Den casonan severo di e malesa aki, e persona infecta lo wordo interna na hospital, pa haya

tratamento cu lo meste inclui suport respiratorio, likido via infuse y prevencion pa mas infection”.

E miho manera pa preveni EEEV y tambe otro virus cu ta wordo transmiti pa sangura, ta wak pa no tin awa
para rond di bo cas, cubri bo curpa, bistiendo paña cu manga largo y carson largo y usa repelentenan contra
insectonan cu ta contene DEET ora bay pafo di cas.

https://arubanative.com/2019/07/30/virus-peligroso-y-mortal-transmiti-via-sangura-a-wordo-detecta-
na-estado-di-florida/