Page 2 - AWEMAINTA

2 AWEMainta
Miembronan di SADA a acepta serie di mocion
Maduro: Ningun momento a “by pass” director
SINDICATO di SADA a tene un reunion diamars mainta
cu su miembronan pa trata un rapport cu gerencia a traha
contra e Presidente. Esaki pasobra nan ta bisa cu e Presidente
a saca informacion interno di e cuerpo den publicidad. Den e
reunion di miembronan e Presidente a haya apoyo y a dicidi
cu ta entrega un mocion di desconfiansa contra e director
Ricky Croes.
Den e reunion diamars mainta a puntra si e miembronan ta
sostene e presidente den su trabou y si ta bay di acuerdo pa
entrega un mocion di desconfiansa contra e director Ricky
Croes, kende nan ta sinti kier silencia SADA cu ta lucha pa
su miembronan. E mocion di desconfiansa lo wordo manda
pa Gerencia di Aduana y Gobierno di Aruba.
E Presidente, Edward Maduro, na final a enfatisa nan unico
punto di preocupacion ta cu e accion tuma door di Ricky
Croes como director di Aduana ta pa silencia e sindicato.
“Den un pais democratico, un estado di derecho, mester res-
peta derecho di otronan y no por permiti cosnan asina tuma
luga. P’esey e mensahe di e miembronan di SADA awe tabata
“loud & clear”. E trahadonan ta fada y no ta bay acepta tipo
di intimidacionnan aki mas.”
El a splica cu ta sali na vanguardia di esun cu ta ocupa e
posicion di presidente, ken sea cu e ta, pasobra e ta papiando
den nomber di e directiva y su miembronan. “Desde cu mi a
bira Presidente mi ta papiando den nomber di mi coleganan /
miembronan di SADA. Mi tin hopi aña di experencia y mi sa
con pa deal cu secretonan di trabou. Nos ta trece e puntonan
aki cerca esnan responsabel y si no ta haya reaccion dado
momento mester dal un paso mas dilanti pa e preocupacion
yega unda e mester yega. Pa nos haci nos trabou, nos mester
tin nos materialnan pa haci nos trabounan manera debe ser.
Mayan algo bay fout e prome cu nan ta tira riba dje ta e tra-
hadonan.”
Den e reunion tabatin diferente mocion di cual un di nan
Diaranson, 14 November 2018
cu ta exigi e rapport mester wordo hala aden. Di tur e mo-
cionnan cu a wordo proponi y treci dilanti, e sindicato lo hiba
esaki pa nan hurista atende cun’e y mira cual por wordo ehe-
cuta di inmediato. Tin algun mocion pisa cu mester wordo
analisa riba su base huridico.
Maduro a recorda cu semper nan a apoyo Croes pa e ocupa
e funcion di Director. “Nos no t’aki pasobra nos kier come
Arubiano, pasobra nos a sosten’e pa e bira director. Si bo ta
trata trahado cu respet, na un nivel profesional y no ta per-
miti emocionnan dominabo, nunca nos lo a yega aki. Si tin
problema y e director ni e Minister ta haci algo pa soluciona
esaki, mas y mas e Cuerpo ta bira demotiva.
” El a sigura cu nunca e “bypass” e director pero e biaha aki
e problema cu tin ta cu e Minister a laba man y a bisa cu e ta
laga e director haci loke cu e mester haci. “Bo ta mira cu mas
y mas durante e aña’ki ta mirando cu cosnan no ta bayendo,
y e malcontento ta creciendo pa cual mester acudi na Minis-
ter di Finanza. Pero e mandatario a bisa cu e no ta atende cu
SADA. E falta di relacion cu e Minister di Finanza ta un preo-
cupacion grandi pa SADA pasobra e mester trece un solucion
ora cu no ta yega na un acuerdo cu e director. E no por bisa
cu e ta laba man y sinta un banda te ora cu e cos aki explota
manera a yega awo cu e director a pidi medida disciplinario
contra mi persona.”
El a enfatisa cu nan a trece tur e puntonan di preocupacion y
despues a puntra e miembronan kico nan ta pensa. E miem-
bronan ta wordo treci door di miembronan y ta vota riba nan.
Aworaki mayoria di e mocionnan a wordo vota den forma
unanime riba nan.
SADA ta contento toch cu nan tin atencion di Prome Minis-
ter Wever Croes, kende ta na altura di e diferente problema,
pero ta cosnan cu e mes no por bay atende tambe pasobra e
mes tin hopi trabou caba.