Page 25 - AWEMAINTA
P. 25
Diaranson, 14 November 2018 AWEMainta 25
Lotto a felicita San Nicolas Taekwondo Center
p’e mihor ekipo den
Aruba Caribbean Classic Taekwondo 2018
LOTTO semper a sostene e deporte di
combate, taekwondo mirando cu den e ul-
timo añanan, e deporte aki ta un di esnan cu
mas ta sobresali y mas premio ta conkista pa
Aruba den exterior. Den e fin siman tras dii
lomba, e scol di Master Eric Barry, esta San
Nicolas Taekwondo Center a bira ganador
absoluto di e prome edicion di e Aruba Ca-
ribbean Classic Taekwondo 2018 organisa
pa Brazil Taekwondo Stichting di sr. Alberto
Klaber.
Por a mira un gran cantidad di mucha den
tur edad cu ta practica e deporte di taekwon-
do. E scolnan participante San Nicolas Tae-
kwondo Center, Impact Taekwondo Sticht-
ing, Brazil Taekwondo Stichting, Stichting
Tiger Taekwondo Academy, Aruba Taekwon-
do Academy, E.T.U Taekwondo y Noord Tae-
kwondo Center a conoce un crecemento pa
loke ta miembronan nobo.
No por keda sin menciona e asistencia grandi
di parti di mayornan presente n’e torneo aki.
Mayornan sin duda ta esnan prome yama pa
apoya y sostene e prestacion di nan yiunan
den cualkier evento deportivo cu nan partic-
ipa na dje.
Director di Stichting Fundacion Lotto pa
Deporte, dr Di Stefano Wernet tambe ta-
bata presente e mainta aki y a dirigi su mes
na tur esnan presente elogiando e atletanan
y e deporte di taekwondo. Mas cu claro un
pabien na sr. Alberto Klaber y su scol Brazil
Taekwondo cu un bes mas a sa na organisa
un tremendo torneo pa tur e scolnan di tae-
kwondo na Aruba.
Na final sr. Wernet a haci entrega di e pre-
mionan n’e respective ganadornan esaki den
presencia di Presidente di ARTBO, sr. Gua-
icapurro Jimenez.
