Page 8 - AWEMAINTA

8 AWEMainta Diaranson, 14 November 2018

Comision Fiho di Salud di Parlamento a reuni cu

asociacionnan den ramo di salud riba AruBIG

DIALUNA e Comision di Asunto Social,
Famia, Cuido di nos Grandinan y Salud di Par-
lamento encabesa pa drs. Marisol Lopez-Tromp
tabatin un reunion cu e diferente asociacionnan
den e ramo di salud pa papia riba e tema di Aru-
Big.
Durante e reunion, cual a transcuri den un bon
ambiente y tabata hopi informativo tabatin pre-
sentacion di representantenan di e Asociacion
di Dokter di Cas di Aruba (HAVA), Asociacion
di Specialista Hospital di Aruba (ASHA), Aso-
ciacion Dental di Aruba (ADS), Asociacion di
Parteranan di Aruba (VVA), Asociacion di Apo-
thekers di Aruba (VAA) y e Asociacion Arubano
di Fisioterapeutanan (AVF).
Cada un di e representantenan aki a trece e posi-
cion y puntonan di bista di nan respectivo aso-
ciacion relaciona cu e ehecucion di e di profesi-
onnan den cuido medico, AruBIG.
Parlamentarionan presente a haya un bista mas
cla di e puntonan di bista y posicion di e dife-
rente asociacionnan cu ta representa cuido med-
ico na Aruba pa cu ehecucion di AruBIG.
Presidente di e Comision Fiho den Parlamento
pa loke ta Salud, drs. Marisol Lopez-Tromp a
indica cu e ta contento di por a reuni cu e dife-
rente asociacionnan aki, considerando cu e ta
duna un hopi mihor bista riba AruBIG prome cu
esaki wordo ehecuta.
“Como representantenan di pueblo nos mester
scucha tur esnan envolvi prome cu tuma un de-
cision cu ta afecta no un grupo so, pero henter
nos comunidad.
AruBIG ta un ley hopi importante y como tal
nos mester atende cu esaki n’e manera mas re-
sponsabel posibel pensando riba e bienestar di
tur esnan cu ta biba riba Aruba.
E deseo ta p’e caminda di dialogo entre tur par-
tidonan envolvi keda habri”, drs. Marisol Lopez-
Tromp a duna di conoce.