Page 4 - Fund . Lotto

Diaranson, 15 Augustus 2018 AWEMainta 23

Deporte

Team Snor cla pa bira internacional

DIASABRA ultimo den e ya mundialmente
famoso Domino Square Garden na Calabas, esta

99 Bar & Restaurant, e flagrante Team Snor a sa di

triunfa riba nan rivalnan di bida, esta Team Caba
Co’!

Mirando con e cara di lider di Caba Co’ a trek di
disgusto, e score no tabata nada di canta macamba

p’e trabuconan di Team Caba Co’, ya cu e anochi

aki Team Snor a sa di demostra ta pakico nan ta e
team cu ta bay ariba un gira internacional!

Ya na cuminsamento di anochi caba por a ripara

cu algo no ta “pluis” cerca Team Caba Co! Pa 8’or

ya Team Snor tabata presente den ful forsa, cu nan
uniform “custom made” pa cada hungador. Sinem-

bargo, nan rival tabata drenta style di un kraamchi

cu a keda habri...drupel pa drupel...un pa un...
poco poco, style di “no pusha mi, mi mes ta bai”,

e integrantenan di Team Caba Co’ tabata drenta

Domino Square Garden.

Varios fanatico sinta ta warda tabata puntra si
wega a wordo cancela pa motibo di tsunami of hor-

can, pero al fin al cabo, e bataya por a cuminsa.

Tin cu bisa cu en general Team Snor antes tabata
soda pipita ora nan enfrenta Team Caba Co’, pero

e biaha aki cos a bay “smooth”, cu bela yen Snor y
su compinchinan a tuma rumbo pa yega 21!

Cu score convincente di 21 - 16, Team Snor ta

gana su eterno rival! Den un intrevista exclusivo
cu lider di Team Snor, esta “Snor” Perez, esaki a

declara cu aki un luna nan ta cuminsa un gira in-

ternacional caminda nan lo bay demostra mundo
kico t’e arte mortal di pega Piedra.

E ruta lo hiba nan via Tokyo, Bangkok, Moscou,

Paris, y finalisando na Willemstad, Corsou. Cu
curiosidad nos a dal un “google” chikito, of manera

nan ta bisa na La Roca, un “goggle”, riba e website
internacional di Domino for Dummies, y nos a bin

ripara cu di tur e partinan menciona di e gira, ta

Corsou so te awor ta confirma.
Nos ta desea Team Snor hopi exito y triunfo cu su

gira internacional.