Page 7 - AWEMAINTA

Dialuna, 2 September 2019 AWEMainta 7

Polis a haya problema cu auto y a bolter

DIASABRA mainta pa
mas o menos 11:15
a.m polis a ser pidi cu
urgencia na altura di Ex
House of Cheng, unda
un auto a bolter.

Na yegada di polis di leu
nan por a mira e vehiculo
ariba su dak. Ora nan a
yega cerca a resulta cu ta
un Chevrolet Chevy y na
stuur un colega di nan.

Algo straño lo a pasa cu e
vehiculo segun e agente
policial na burger. Ela
splica su coleganan cu
e auto su so a paga,
esta Switch Off y esaki
lo a causa cu ela perde
control y bolter rancando
un palo di luz.

Ela sigui bisa cu elo a
traha nacht dienst y
ken sa kizas esey lo por
a hunga un rol tambe,
esta cansancio. Aunke
ela haya algun rasca na
cara e no tawata desea
asistencia medico.

Debi na e fayo(switch) di
e auto awor e agente tin
dobel gasto, pa drecha
su auto y paga pa e daño
haci na e palo di luz di
Elmar.