Page 16 - FDLP

Durante e añanan, KLM a hunga un rol di suma importancia den e desaroyo di Aruba su
industria di turismo unda e lazonan cu e compania ta uno cu ta fuerte y duradero.

Pa bay back un poco den nos historia, ta bon pa sa cu na aña 1934, buelonan comerial

a worde introduci na Aruba y dia 15 di December 1934 un buelo hopi speciala sali for di
Schiphol- Amsterdam. E avion tipo Fokker F-19 cu nomber ‘Snip’ a sali rumbo pa
Antilles cu un crew di 4 persona di KLM abordo kende nan a prepara pa varios aña (!)
prome cu nan por a realisa e vuelo largo aki. Nan a stop na nos isla hermana Curaçao

unda nan a yegapa prome biaha dia 22 di december y dia 23 di december nan a yega
pa prome biaha Aruba riba un beach/landing strip na Savaneta.

Na aña 1935 nan a inicia cu buelonan scheduled pa nos isla unda entre otro por a mira

’Oriol’ y ‘Convair’.

Pa a studiantenan por a sigui nan estudionan avansa na Hulanda, KLM a manda

avionnan manera Super Constellation pa Aruba y Curaçao pa busca studiantenan
Antiyano.

Awendia, KLM ta bula diariamente for di Schiphol pa Aruba, cual no solamente ta trece
bishitantenan for di Hulanda pero tambe for di mercadonan Europeo, manera Reinonan

Uni, Alemania, Belgica, Italia y Scandinavia-entre otro.

Durante 2018, KLM a trece un total di 34.373 bishitante pa nos destinacion, cual ta

representa un crecimento di 8.7 % compara cu 2017. Compara cu 2011 – ora cu A.T.A.
a bira independiente, por mira cu esaki a crece cu 195%.

A.T.A., incluyendo su oficinanan na Europa y na Den Haag, ta mantene lazonan fuerte
cu KLM. Como tal, A.T.A. Europa ta participa den varios evento, entre otro un di e

campionatonan mas grandi di Golf, e asina yama ‘KLM Golf Open’. Tambe ta bon pa
menciona e cooperacion anual entre A.T.A. ty KLM pa loke ta trata e famoso KLM
Marathon, cual a bira un evento importante pa nos isla como destinacion.

Den weekend cu a pasa, KLM a celebra su aniversario na Aruba. Durante e
acontecimento tabata presente Gobernador Señora Yvonne Lacle y Promer Minister di
Aruba Señora Evelina Wever-Croes.