Page 55 - FDLP

Sarah-Quita Offringa A Haci Historia Den 2019 Cu

Tres Titulo Di Copa Mundial Den Tres Disciplina

 Local
- 06/10/2019

PWA Mercedes-Benz Windsurf World Cup Sylt a culmina pa Sarah-Quita Offringa
cu exito unda e ta logra defende su titulo den e disciplina di Ola di 2018 y gana e
evento di 2019 causando di e forma ey di termina ta gana tres titulo di Copa
Mundial den tres disciplina.
Tanto den e disciplina di Freestyle, Slalom como Ola, Sarah-Quita ta logra gana un
evento.

Den Freestyle tabata na Bonaire y Fuerteventura, den Slalom recientemente na
Dinamarca y den Ola siman pasa na Westerland Sylt, Alemania.
Pa prome bez den su carera riba circuito di PWA Tour e ta logra conquista un titulo
di Copa Mundial den tres disciplina den e mesun aña, sin menciona cu e t’e unico
regatista di windsurf cu ta logra hasi esey.

Cu 16 titulo di Campeon Mundial. 12 den Freestyle y 4 den Slalom ta keda ainda pa
conquista un titulo di Campeon Mundial den e disciplina di Ola. E ultimo evento di
Ola ta tuma lugar na Maui fin di october proximo cu na mes momento ta determina
e Campeon Mundial den e disciplina di Ola.
Banda di e hecho cu Sarah Quita ta liderando e ranking mundial den Ola aworaki e
tin tambe e reto grandi pa defende su titulo di e evento na Maui unda na 2016 el a
titula ganador di e evento.