Page 18 - AWEMAINTA
P. 18
18 AWEMainta Diasabra, 11 Mei 2019
Un biaha mas
Auto a dal un persona di edad n’e crusada
Prof. Lorentzstraat cu Emmastraat
DIARANSON algo pasa di 7’or
y mey di anochi, un meneer di
edad a wordo alcansa pa un auto
n’e crusada di Prof.Lorentzstraat
cu Emmastraat. Mesora a pidi pa
presencia di Polis y ambulance n’e
sitio.
Na yegada enberdad nan ta topa
cu un meneer di edad, kende ta-
bata herida drumi riba caminda,
aparentemente e meneer lo a haya
hopi sla na cabes y tabata sangran-
do masha hopi mes.
Mesora personal di ambulance
a trat’e n’e sitio mes y despues a
transporta e meneer cu hopi ur-
gencia pa hospital.
Aparentemente e meneer lo tabata
crusando e caminda net na mo-
mento cu di pariba tabata binien-
do un Kia color cora, maneha pa
un dama.
E dama chauffeur lo a trata na
brake pa evita di alcansa e peaton
cu auto, pero lamentabelmente e
no a logra, brake na tempo, riba e
caminda a keda un rastro di brake
basta largo.
E impacto tabata hopi fuerte cu e
windshield di e auto a kibra. No
ta prome biaha cu auto ta dal per-
sonanan cu ta crusa caya n’e ca-
minda aki.
Polis a sera e caminda pa mas in-
vestigacion.