Page 24 - AWEMAINTA

24 AWEMainta Diasabra, 11 Mei 2019

Rotaract Club of Aruba a tene su ultimo session di

‘The Graduation Project’ na Abraham de

Veer School net prome cu examen final

PA varios aña caba, miembro y boluntarionan di Rota-

ract Club of Aruba ta organisa diferente sesion motiva-

torio durante aña escolar p’e examenkandidaten.
‘The Graduation Project’ ta unda cu Rotaract ta stim-

ula examenkandidaten cu diferente sesion cu tips prac-
tico y charlanan di motivacion durante e aña escolar, e

proyecto aki a inicia na aña 2015 na Filomena College

MAVO y e aña aki a wordo expande cu Abraham de
Veer MAVO.

Pa culminacion di e proyecto aki e boluntarionan a
organisa un workshop cu invitadonan special, p’asina

duna e ‘extra push’ net prome cu examen week a inicia.

Como invitado special tabata presente Larissa Bermu-
dez, kende no ta un cara desconoci den nos comunidad

y den e mundo di Media.

Larissa a elabora mas riba su experencia propio na

MAVO y e stapnan cu el a tuma despues di MAVO pa
cu su trayectoria di studio. Esaki tabata uno hopi inte-

resante y motivante.

Cu hopi atencion y interes e studiantenan a sigui Lar-

issa Bermudez su presentacion di su trayectoria di estu-
dio y profesion, y asina a haya un imagen di opcion nan

cu tin despues cu termina MAVO.

Tambe tabatin un presentacion di Rotaractor Ulrich
Hermans kende a elabora mas riba ‘Traiblazers of the

future’.

Esaki a ensera un presentacion interactive sumamente
interesante riba e topico di inovacion, trabou nan den

futuro y habilidad nan necesario pa cu esaki.

Mester remarca cu e combinacion di Larissa y Ulrich a

haci e ultimo sesion net prome cu e studiantenan dren-
ta nan examen final tabata uno super exitoso.

Rotaract Club of Aruba kier a desea un y tur den exa-
menklas hopi exito y muy especial alumnonan di Abra-

ham de Veer school y Filomena College MAVO cu a

forma parti di ‘The Graduation Project’ e aña aki.