Page 42 - FDLP

Olimpiada Escolar 2018 – 2019 Cu Reconocimento

Na Sr.Rufo Kelly: Un Persona Ehemplar Den E

Mundo Deportivo Escolar

 Deporte

- 26/05/2019

Dedicacion, pasion y amor, t’e tres palabranan cu ta representa e caracter di
sr. Rufo Kelly pa loke ta deporte escolar. Cu un historia increibel y remarcabel, nos por
bisa cu Rufo Kelly ta un persona ehemplar p’e mundo deportivo, specialmente esun
escolar.

Desde cu el a inicia su carera profesional como maestro, Rufo tabata envolucra den e
parti
deportivo di e scol. For di aña 1974 cu Rufo a cuminsa labora na Colegio Laura Wernet
Paskel,
conoci e tempo ey como Sint Jan School, el a wordo acerca p’e Director di e tempo ey,
sr.
Simeon “Sim” Frank p’e por encarga su mes cu e parti deportivo.
Pa Rufo esaki no tabata un tarea dificil pa asumi, tumando na cuenta cu ya caba e tabata
dirigente e tempo ey di e team di bario di futbol Sport Boys.

Segun e añanan a sigui, Rufo a sa di sigui progresa, no solamente como professional,
pero tambe
como un persona cu ta guia muchanan den deporte. Di 1991 pa 2012 Rufo tabata
cabesante di