Page 78 - AHATA

pa otro aña esaki ainda tin duda, y esey ta algo cu CAFt ta señala di kier un aclariacion
awor. E hecho ta, cu gobierno no kier genera tur e placa via impuesto, pasobra e no ta
haya ta husto cu pueblo tin cu paga pa mal gastamento di placa di e gobierno anterior. E
otro parti tin cu bin di crecemento economico. Y netamente aki tin cu bay traha ainda.
Segun Wever Croes e lo splica CAFt con esaki ta sinta den otro y ta spera cu CAFt
compronde e ora. Pero, e ta compronde CAFt su preocupacion totalmente riba e tereno
ey.

GASTO DI SALARIO

Wever Croes tambe ta compronde y ta comparti e preocupacion di CAFt riba e aspect di
salario. E ta mustra cu mientras cu gobierno ta haciendo ehercicio, pa mantene e gasto di
salario abou, door di p.e. mantene overtime sea minimo of reduci drasticamente, e ta
hay’e confronta cu e departamentonan, cu mester di overtime pa cuida net loke cu p.e.
Hulanda kier pa controla, manera frontera, pero no kier pa paga overtime. Algo cu pues
no ta realistico segun Wever Croes. Ora cu segun Wever Croes, el a bay atende cu e
departamentonan, nan a reclam’e, cu con e kier pa nan haci nan trabou, sin overtime y ta
efectivo. Tambe mes momento e sindicatonan ta pusha di un banda pa nan pago di
indexering. Tin un tension cu Hulanda, pues kico ta bay ta e decision riba e tema ey
tambe. Y segun Wever Croes, ta e tarea di gobierno pa kita e tipo di tension aki. Pa loke
ta overtime, Wever Croes ta bisa di ta kere cu lo logra e meta di e aña aki, pero no sa di
otro aña.

SOCIAL CRISIS PLAN

?E parti cu Wever Croes no por comparti cu CAFt y ta mas bien bringa nan, ta e aspecto
di e fondo di e plan di crisis social. Y e parti aki ta trata solamente un componente chikito
di e plan, cu ta e parti salarial. Tin e area social, e parti di seguridad y mas. Hulanda no
kier tende di tin un fondo apart y kier pa gobierno hinca esaki den e presupuesto di pais
Aruba. Algo cu Wever Croes no ta compronde. Esaki pasobra e gobierno anterior
(Gabinete Mike Eman I y II), a crea como 7 fondo, di cual tur tabata ok. Tin cu ta vigente
ainda y tempo ey Hulanda no tabatin ningun problema cu ne. Diripiente awor si! Como
tal, esaki ta algo cu Wever Croes no ta comparti cu CAFt y lo informa nan tambe di
esey.