Page 42 - KPA
P. 42
Atraco arma riba joyeria den Havenstraat: A bay cu basta
joyas
Monday, 22 May 2017 20:17
Comparti
Dialuna, pa 6’or y 22 di atardi, patruya di trafico pasando den Havenstraat, a wordo para pa manager di
Kevin Jewelers, kende ta conta cu un rato prome, e y su empleada a wordo atraca door di tres hende
homber habla Spaño. Nan a drenta e luga y saca arma y pone na su cabes y despues a tyrap’e.
E empleada tabata den oficina y ora el a sali, nan a push’e bek den e oficina y a cera e porta.
E atracadornan no tabata tin cara tapa. Nan a papia Spaño y dos di nan tabata tin arma di candela. E descripcion di e
atracadornan ta como lo siguiente:
1. Jeans blauw cla, camisa blauw cla manga largo y petchi preto cu blanco.
2. Jeans scur, flanel blauw scur, keds preto.
3. Carson largo preto, t-shirt shinishi, petchi blanco.
E atracadornan a bay cu hopi joyas y te asina leu no sa cuanto nan ta balora. E sospechosonan mes a huy den
direccion p’ariba. Diferente unidad di polisnan riba caya a cuminsa cu un buskeda pa wak si por a topa cu e
sospechosonan aki. Pero no a topa cu nan. Atraco Team a presenta na e sitio. Tambe slachtofferhulp y polis tecnico.
E caso ta bay investigacion.
Ken cu por a wak of sa algo yama tiplijn di polis 11141.
