Page 9 - FDLP
P. 9
Diaranson, 25 September 2019 AWEMainta 15
Jermain Gravenstijn di 6 aña a landa 1 km den lama
Jermain Gravenstijn a tuma e curashi durante e evento 1-3-
5 km Open Water 2019, organisa dor di Aruba Dolphins di
landa como un di e prome mucha di 6 aña pa landa 1 km.
For di aña pasa ora el a wak su rumannan grandi landa, su
deseo tabata pa purba di landa den lama cu un distancia
asina largo. Pero dor di edad jong hopi profesional den lan-
damento a desconseha su mayor pa no haci’e ainda.
E único cos cu e tabatin e cu miedo tabata e yerbanan di
lama y loke el a tende di bisa e piscanan grandi mahos den
profundo.
Despues di un aña Jermain Gravenstijn a dicidi di kibra e
miedo y cu su edad di casi 7 aña el a tuma e curashi pa landa
1 km durante e evento 1-3-5 km Open Water 2019, organisa
dor di Aruba Dolphins
Su ruman grandi a dicidi di compañe durante e trayecto aki.
Segun por a compronde e ta haci’e un di muchanan mas ho-
ben cu a yega di completa 1 km den un evento manera Open
Water. Un danki ta bay na diferente club di landamento
manera Stinggray y Aruba Dolphin cu a yude for di prome
instancia cu su landamento y tecnicanan.
