Page 98 - KPA

E aspecto di siguridad tambe ta importante durante e
temporada di campamento

Sunday, 09 April 2017 22:31
Comparti

Parti di campamento ta e aspecto tambe di siguridad. Caminda cu ta papia di siguridad, semper
presencia di polis ta hopi importante.

Sigur den e temporada di campamento ta haya hopi mas polis den e zona unda cu tin campamento.
Despues di a papia cu algun campista, nos a papia cu minister Arthur Dowers, kende tambe a core e ruta
den oranan di merdia.
Cuerpo Policial ta prepara tambe pa garantisa e siguridad den e area caminda miles di hende ta aglomera
den e temporada di campamento.
Minister a tuma e diadomingo pa pasa bishita diferente di e personanan cu ta campa y esnan cu ta traha
riba beach pa haya un impresion con cos ta bayendo.
Hendenan ta yegando y tin cu bisa cu nan tin nan vergunningnan regla.

Parti importante ta pa tin suficiente presencia di polis. E minister a combersa cu nan, kico ta nan punto
di bista, kico ta e cosnan cu nan ta mira, kico nan ta confronta caba bes. Te na e momento aki ta bayendo
bon. Sa tin discusion cerca esnan cu ta bay campa, pero te na e momentonan aki tur cos ta canando na
ordo.

Polisnan ta presente. Nan ta keda ta presente durante full e periodo aki. Ta bay ta menos tolerante
manera e otro añanan. Esnan cu no ta comporta nan mes, buracheria publico, bin cu carbon riba beach,
tur e tipo di cosnan aki, lo wordo actua contra di dje. Tin suficiente polis presente pa loke ta visibilidad y
tambe ta asina cu lo tin extra polis den e diferente basenan, sea ta na beach of na Noord cu si ta necesario
mas polis por yega y tambe Playa lo asisti si ta necesario.
Ta sali for di punto di bista cu e publico lo comporta nan mes bon. Ta spera cu ta e tradicion unda cu ta
mira un of dos hende ta bin daña pa e milesnan cu tey. E Minister ta spera cu e aña aki ta preveni esnan
cu nan bin daña cos eyriba. Cu presencia di polis, tin suficiente hende pa mantene ordo y reglanan. Si
comporta nechi, vooral den e aspecto di sushedad riba beach pa tene cuenta cu esey. E efecto cu tin riba
nos medio ambiente, e efecto cu tin riba nos turismo. Si tur hende tene cuenta cu esey lo ta un periodo di
campamento placentero pa tur hende.
Cuido di area

Por mira cu tin famia cu concientemente ta bin cuida e area y percura pa un dia prome nan luga ta
reserva. Segun e minister tur hende ta bin cu nan famia. Ta pa hopi aña tin famia ta bin. Esey ta un
bunita tradicion pero pa por mantene tradicion aki tur hende mester por comporta nan mes bon.