Page 6 - FDLP
P. 6
Diahuebs, 27 December 2018 AWEMainta 21
Nos hereo femenino Shariska
Winterdal a haya reconocimento
For di Sportszone Aruba y Power Sports
DIAHUEBS ultimo den
un programa special na
Power 101.7 FM tabatin
como invitado especial nos
hereo Shariska Winterdal.
Un edicion unico di radio
conduci pa Greg Croes, Nen
Flores y Aldrick Alexander
unda cu Shariska a haña
oportunidad di conta di tur
e detayenan cu a bay den e
recorido historico di 500 ki-
lometer rond di pais Aruba
riba bais pa un bon causa,
Stichting Frank Polanco.
Nos lo wak bek riba un
evento como uno historico.
E ser femenino na Aruba a
pone su stempel den 2018.
Gwendolin Kock hunto cu
“Crossing for Hope” a lan-
da di Venezuela pa Aruba
y awor Shariska Winter-
dal ta logra un hazaña riba
bais pa un total 500km
pa mas di 24 ora sigui.
Nos hobenan tin nan here-
onan local y especialmente
e mucha muhernan cu por
mira ehempel bibo di logro-
nan grandi.
Sports Zone Aruba no por a
laga e oportunidad aki pasa
di reconoce e atleta Shariska
Winterdal, cu un hazaña cu
lo keda pa semper den histo-
ria di deporte aki na Aruba.
