Page 22 - Djasabra 15 september 2018.pdf

22 Djasabra 15 Sèptèmber 2018
Buelo pa India
Nos biahe di Amsterdam pa Aeropuerto
Internashonal Indira Gandhi a dura sigur 8 ora.
Mainta tempran nos a yega i a pasa imigrashon
sin problema. Dos luna delantá nos mester a pidi
nos “E-visa” i esaki a funshoná hopi bon. Na
yegada na aeropuerto, bo tin ku pasa na un kantor
special di E-visa kaminda bo ta entrega bo pasport
i e kòpi di e visa ku bo a haña via di mail i aki nan
ta stèmpel bo pasport ku bo por drenta India.
E aeropuerto ta hopi moderno i bo tin ku pasa dor
di un taxfree shòp hopi grandi pa bai buska bo
maleta. Hasiendo esaki bo ta mira kiko e tiendan-
an tin di ofresé i bo por kumpra tambe. Apesar ku
nos a yega mardugá na New Delhi, tabata hopi
drùk na e aeropuerto I nos tin ku bisa ku e aero-
puerto aki sigur no ta baha kabes pa Schiphol.

Si bo ta bishita India ta konsehabel pa bo tin un
sierto kantidat di moneda Indio den bo poder. Na
aeropuerto mes bo por kambia sea dollar òf euro
den roepies, e moneda nashonal di India. Na mo-
mentu ku nos tabata tei na India na Juni último e
kambio di un dollar pa roepies tabata 66 roepies E tres ex koleganan ta kla pa sali pa India
pa un dollar.

Tuk tuk den Old Delhi
Yegada na India
Na momentu ku nos a haña nos maleta nos a Sali pafó,
kaminda un representante di e organisashon Kras ta-
bata warda nos pa hiba nos na nos promé hotèl. Tabata
un dia hopi pisa pa nos i ta te banda di 4 or di mardugá
nos a logra subi kama pa su siguiente dia nos lanta
tempran, desayuná i pa 10 or di mainta hasi nos promé
tour den India.

Un di e bunita edifisio di Gobiernu